اكيدحروفنا تجملها وتعطرها ذكرها
امي يا اول حب عشته بدنياي
يا أول اسم تنطق شفاي طاريه
انتي هوا روحي وبعروقي الماي
عمري بدونك عمر ماعشت انا فيه
يا مالقيتك في شتا وقتي دفاي
حضنك يدفيني بحنانه وادفيه
ويا ما مسكتي في العناالوقت يمناي
خوفا علي من الزمان وبلاويه
انتي نظر عيني وبسمة شفاياي
وانتي هوا قلبي وحبه وغاليه
وانتي الجميل الي تعدى عطاياي
لو عشت كل العمر ما اقدر اوفيه
تدعين ربك لي يسدد لي خطاي
وارفع انا كفي الى الله وادعيه
يا ربي تمنحني رضاها بدنياي
وان مارضت عني ترى العمر مابيه
الله يطول بعمر امهاتنا ويخليهم تاج على روسنا